Friday 8 October 2021
ഓർമ്മപ്പെയ്ത്ത്
ചെമ്പകപ്പൂമുടിയിൽ ചൂടി
പുഞ്ചിരിക്കും പെൺ കുറുമ്പേ
ചുംബനപ്പൂകൊണ്ടു നിന്റെ
ചുണ്ടു ചോപ്പിക്കും ഞാൻ...
ചുണ്ടു ചോപ്പിക്കും...
പിച്ചകപ്പൂച്ചന്തമോലും
ചേലചുറ്റിച്ചാരെ നിന്നാൽ
മൊഞ്ചു ചൊല്ലി പാട്ടിലാക്കീ -
നെഞ്ചകത്തേറ്റും
നിന്നെ
നെഞ്ചകത്തേറ്റും...
(ചെമ്പക)
നോമ്പുകാലം തീർന്നു പോകും
മുൻപു ഞാനും നാട്ടിലെത്തും
പണ്ടു തട്ടം മാറ്റിയിട്ട
പൂവരമ്പേറും... ഞാൻ
പൂവരമ്പേറും
തുമ്പമെല്ലാം നീക്കിടുവാൻ
തമ്പുരാനോടോതി നമ്മൾ
തഖ്വ യുള്ളോരായിടേണം
റജബിൽ ശഅബാനിൽ... നാം
റജബിൽ ശഅബാനിൽ...
(ചെമ്പക)
സുറുമയെഴുതിയ
മിഴികളാലെൻ
വഴി തടഞ്ഞു മൊഴിഞ്ഞ കാലം
മഴ നനഞ്ഞു കുതിർന്ന കാറ്റിൽ
അത്തറിൻ ഗന്ധം...
ഓത്തുപള്ളി മുതൽക്കു നമ്മേ
ചേർത്തിണക്കിയ ചാന്ദ്രമാസം
ഓർത്തു കൽബ് തുടിച്ചിടുമ്പോൾ
ഓർമ്മപെയ്യുന്നൂ...
നിന്നോർമ്മ പെയ്യുന്നൂ....
(ചെമ്പക)
......................................
പി കെ മുരളീകൃഷ്ണൻ
Lyrics: P K Muraleekrishnan
Music: Pallippuram Sajith
Background Music: Sunilal Cherthala
Singer: Shabeer Ali
Production: Music Mumbe
Channel: https://www.youtube.com/musicmumbe
Facebook Page: Music Mumbe - Music First
Song officially released on 15th May, 2020
ഹംസധ്വനിയുടെ ഹൃദയതാളങ്ങൾ (Heartbeats of Hamsadhwani)
ആഴിത്തിരകളോരോകഥക-
ളെഴുതിയെഴുതിയ മണൽ
ഹംസധ്വനിയിലേതോ ഹൃദയ -
മുരുകിയൊഴുകിയ തണൽ
വരികനീയിനിയുമൊ-
രനുപമനിമിഷമായ്...
നിറമധുപകരുമൊ-
രസുലഭ ലഹരിയായ്…
(ആഴിത്തിരകൾ...)
താരാഗണം ചേതോഹരം
ഹൃദയാങ്കണം പ്രണയാതുരം
ഞാൻ മൂളുന്ന രാഗങ്ങളും
നിൻ കാലടിത്താളങ്ങളും
ചേർന്നാടുന്ന ഭാവങ്ങളാൽ
പൂത്തുലയും യാമങ്ങളീ വഴി…
(ആഴിത്തിരകൾ...)
രാവേറെയായ് നീറും മനം
രാപ്പാടിതൻ നിദ്രാടനം
ഞാനേകനായ് പാടുന്നൊരീ
പൂവാടിയിൽ കൂട്ടായ് വരൂ
വീണ്ടും തൊടാം രാഗാർദ്രമായ്
നാം തിരയും സ്വർഗ്ഗങ്ങൾ പോലെ..
(ആഴിത്തിരകൾ...)
...………………...…...………………….
പി കെ മുരളീകൃഷ്ണൻ
Lyrics: P K Muraleekrishnan
Music: Pallippuram Sajith
Background Music: Sunilal Cherthala
Singer: Pallippuram Sajith
Direction: Unnikrishnan Yavanika
Production: Music Mumbe
Channel: https://www.youtube.com/musicmumbe
Facebook Page: Music Mumbe - Music First
Song officially released on 8th October, 2021
Tuesday 17 August 2021
ചിങ്ങനിലാവ് (Chinga Nilavu)
ചിങ്ങനിലാ മഴ നനയും
തെങ്ങോലത്തുമ്പൂഞ്ഞാൽ -
പാട്ടുകളിൽ ഓണസുഗന്ധം..
നാണപ്പൂങ്കവിൾ നുള്ളിയൊ -
രോണപ്പൂക്കളമെഴുതും
മലയാള മനസ്സിൽ മരന്ദം...
മലയാള മനസ്സിൽ മരന്ദം...
(ചിങ്ങനിലാ... )
പെരുമഴ പെയ്തൊഴിയുകയായ്
മിഴിമേഘം മായുകയായ്
ഇരുൾ മൂടിയ പകലറുതികളായ്...
കോളാമ്പികൾ കുരവയിടും
വയലേലച്ചെരിവുകളിൽ
പൂത്തുമ്പിച്ചിറകുയരുകയായ്.....
നന്മ മലർക്കാലം കൊടികയറുകയായ്...
(ചിങ്ങനിലാ... )
തുമ്പപ്പൂപ്പെണ്ണു വയസ്സറിയിച്ചു ചിരിക്കുന്നൂ
മുക്കുറ്റികൾ മഞ്ഞളിടുന്നൂ...
പൂക്കൈതക്കടവിൽനിലാ-
വീറൻ മുടികോതുമ്പോൾ
അത്തപ്പൂച്ചിരി വിടരുന്നൂ,..
വാനം
ചിത്രനിലാപ്പന്തലിടുന്നൂ...
(ചിങ്ങനിലാ... )
പൂവേ പൊലി വിളിയുണരും
തിരുവാവണി നാളുകളിൽ
പൂവട്ടികൾ ചിരി പകരുമ്പോൾ...
വരവുണ്ടുത്രാടക്കിളി
ചുണ്ടിൽ വരിനെൽക്കതിരായ്
മലനാട്ടുമഹോത്സവ മധുരം...
ഇനി മലയാള മനസ്സിൽ വസന്തം !
(ചിങ്ങനിലാ... )
.................................
പി കെ മുരളീകൃഷ്ണൻ
Lyrics: P K Muraleekrishnan
Music: Pallippuram Sajith
Background Music: Sunilal Cherthala
Singer: Pallippuram Sajith
Production: Music Mumbe
Channel: https://www.youtube.com/musicmumbe
Facebook Page: Music Mumbe - Music First
Song officially released on 18th August, 2021
Subscribe to:
Posts (Atom)