നിറതിങ്കൾ നിനക്കായുദിച്ചൂ...

നിഴലുറങ്ങും വഴി ചിരിച്ചൂ...

നറുമണമൊഴുകിയ വീഥികളിൽ വീണ്ടും

നിന്നെ ഞാൻ വിളിച്ചൂ...

നിന്റെ സാമീപ്യം ഞാൻ കൊതിച്ചൂ....

           (നിറതിങ്കൾ)

തീരമുറങ്ങിയ തിരുവാതിരയിൽ

തിരയൊരു കഥ പാടീ...

ചെന്തെങ്ങിനു ചുടുചുംബനമേകിയ

തെന്നലിലിലയാടീ...

നറുമണമൊഴുകിയ വീഥികളിൽ വീണ്ടും

നിന്നെ ഞാൻ വിളിച്ചൂ...

നിന്റെ സാമീപ്യം ഞാൻ കൊതിച്ചൂ....

          (നിറതിങ്കൾ)

കളരികൾ പൂത്ത വടക്കൻ കാവുകൾ

കവിതയിലടരാടീ...

കദനമുറക്കിയ കണ്ണുകളിൽ പ്പുതു-

പുലരികൾ തിറയാടീ...

നിണമൊഴുകിയ പഴയിതിഹാസങ്ങളിൽ

പ്രണയമൊരഴകായീ...

നിറകതിർ ചൂടിയൊരുത്സവ രാവുകൾ

പ്രിയസഖീ.. വരവായീ....

     (നിറതിങ്കൾ)

(പി.കെ. മുരളീകൃഷ്ണൻ)

-----------------------------------------------------------------------------------------------------------------

Lyrics: P K Muraleekrishnan Music: Pallippuram Sajith Background Music & Production: Sunilal Cherthala

Singer: P Jayachandran Video: Raghu Mindscape & Prem Prakash Editing: Deepu Cherthala Key Instrumentation: Prasoon (Saxophone), Anuroop C S(Violin), Flue ( Subhash Cherthala)

Channel: https://www.youtube.com/musicmumbe

Facebook Page: Music Mumbe - Music First

Song officially released on 3rd June, 2019

എന്തോ മൊഴിഞ്ഞിടാൻ

വന്നതാണീ മഴ

പിന്നെയുമെന്റെ മുന്നിൽ...

പണ്ടേ പിരിഞ്ഞു വേറിട്ടതാണീ മഴ

തോർന്നതില്ലെന്റെ കണ്ണിൽ...

(എന്തോ മൊഴിഞ്ഞിടാൻ)

ആലോലമാടുന്ന തെങ്ങോലയിൽത്തങ്ങി

മൂളുന്ന കാറ്റിനൊപ്പം

രാഗാർദ്രമായിവൾ പാടുന്ന പാട്ടിലു-

ണ്ടേതോ വിഷാദ ഭാവം...

പണ്ടു മിണ്ടാതിരുന്ന താളം...

(എന്തോ മൊഴിഞ്ഞിടാൻ)

പുസ്തകത്താളുകൾ കീറിക്കുറിച്ചൊരു

ചിത്രവർണ്ണച്ചിറകായി...

വാക്കുകൾ പാറിപ്പറക്കും വരാന്തയിൽ

തൂണു മന്ത്രിച്ച രാഗം... 

മരഗോവണി പൂത്ത കാലം...

(എന്തോ മൊഴിഞ്ഞിടാൻ)

വർഷങ്ങളായീറനായാലുമൊരു ജല-

കണികയുമുള്ളിലാക്കാതെ...

നിശ്ചലം നിൽക്കുന്ന ചേമ്പിലപ്പച്ചയോ -

ടോതുവാൻ പരിഭവം പേറി...

പിന്നെയും പിന്നെയും പെയ്തിറങ്ങുന്നിവ-

ളമ്മ മണ്ണിന്റെ മാറിൽ...

പ്രണയാർദ്രമാകും മനസ്സിൽ...

(എന്തോ മൊഴിഞ്ഞിടാൻ)

(പി കെ മുരളീകൃഷ്ണൻ)

------------------------------------------------------------------------------------------------------------------

Lyrics: P K Muraleekrishnan Music: Pallippuram Sajith Background Music & Production: Sunilal Cherthala
Singers: Aparna Rajeev ONV & P Jayachandran
Video: Raghu Mindscape & Prem Prakash Editing: Deepu Cherthala Key Instrumentation: Prasoon (Saxophone), Anuroop C S(Violin), Flue ( Subhash Cherthala) 

Channel: https://www.youtube.com/musicmumbe

Facebook Page: Music Mumbe - Music First

Song officially released on 28th April, 2019

വിഷുവന്ന് വിളിക്കണ്, 

കൊന്നപ്പൂവ് ചിരിക്കണ് കണ്ടോ...

കണി കാണും കാലമുണർന്നെ-

ന്നോത്ണ് തെന്നല് കേട്ടോ....

തീവെയിലിൽ കുന്നുകൾ നിന്ന് 

വിയർത്ത് കുളിക്കണ് കണ്ടോ....

"വിത്തും കൈക്കോട്ടും" പാട -

ത്തൊരു കിളി ചൊല്ലണ് കേട്ടോ...

    (വിഷുവന്ന് വിളിക്കണ്)

തളികയി, ലരി, ധാന്യ, മടയ്ക്കകൾ 

വെള്ളരി, മാങ്കനി, വസ്ത്രം....

മുന്തിയ ഡെല്ലിൻ ലാപ്ടോപ്പും

നാണ്യം, വാൽക്കണ്ണാടി..

നൽകീടാം മുത്തശ്ശി ക്കൊരു 

സ്മാർട്ട് ഫോണും ഹോട്ട്സ്റ്റാറും...

കൈനീട്ടം വാങ്ങാം മുത്ത-

ശ്ശന്നൊരു മുത്തവുമേകാം...

വിഷുവുത്സവമടിപൊളിയാക്കാം...

ഫേസ് ബുക്കിന്സെൽഫിയൊരുക്കാം (2)

     (വിഷുവന്ന് വിളിക്കണ്)

കണി കാണാനെന്തൊരു ചന്തം

വിഭവ സമൃദ്ധം താലം...

ഓരോരോമനതാരിലുമൊരു കുല

കൊന്നകൾ പൂക്കും കാലം...

നന്മ നിറയ്ക്കും കാലം....

കൊന്നകൾ പൂക്കും കാലം...

കോടി, യുടുക്കാം, കത്തിക്കാം,

പൂത്തിരി മത്താപ്പെല്ലാം...

പൊട്ടുന്ന പടക്കം കേട്ടൊ-

ന്നാർത്തു വിളിച്ചു രസിക്കാം..

വിഷു സദ്യയുമുണ്ടു മടങ്ങാം...

വിഷുവുൽസവമടിപൊളിയാക്കാം... (2)

ഫേസ് ബുക്കിന് സെൽഫിയൊരുക്കാം...

വിഷുവുൽസവമടിപൊളിയാക്കാം... (2)

(പി കെ മുരളീകൃഷ്ണൻ)

------------------------------------------------------------------------------------------------------------

Lyrics PK Muraleekrishnan

Music: Pallippuram Sajith

Background Music: Sunilal Cherthala

Lead Singer: Bhagya Lakshmi Sreekumar

Chorus: Abhiram Cherthala, Aarathi Cherthala & Unni Maya Kottayam

Videography: Prem Prakash

Editing: Deepu Cherthala

Channel: https://www.youtube.com/musicmumbe

Facebook Page: Music Mumbe - Music First

Song officially released on 14th April, 2019

പോകയോ പ്രിയതേ... വിദൂരം...

രാവു രാഗാദ്രം....

സാഗരം.... ശാന്തം.. വിമൂകം ...

മേഘ സംഘാതം.....

(പോകയോ......)

ദൂര സാഗരമെത്ര സുന്ദര -

മെന്നറിഞ്ഞീടാൻ...

നേരമില്ലതിവേഗ ജീവിത

യാത്രികർ നമ്മൾ...

ഓർമ്മകൾക്കു വിരുന്നൊരുക്കി

നിലാവു പെയ്യുമ്പോൾ...

നിൽക്കുകൽപ്പ -

മൊരീറനാം കാറ്റു -

മ്മ വെയ്ക്കുന്നൂ....

(പോകയോ.....)

ഹരിത ഭൂമിയിൽ

ഗ്രാമ വഴികളിൽ

തൊടിയിൽ പൂന്തോപ്പിൽ...

കൊന്ന പൂത്തു വിളിയ്ക്കയായ് നീ

വന്നു പോകൂലേ....

കുന്നിറങ്ങിയ തെന്നലോതീ

മാമ്പഴക്കാലം.....

അമ്മ രുചിതൻ കണ്ണിമാങ്ങകൾ

കാളനും മോരും.....

(പോകയോ.....)

(പി കെ മുരളീകൃഷ്ണൻ)

----------------------------------------------------------------------------------------------------------------

Lyrics : P K Muraleekrishnan Music : Pallippuram Sajith Background Music: Sunilal Cherthala Sung by: P Jayachandran Video: Raghu Mindscape & Prem Prakash Editing: Deepu Cherthala Key Instrumentation: Prasoon (Saxophone), Anuroop C S(Violin), Flue ( Subhash Cherthala) (C) Music Mumbe

Female Version of this Song was sung by Gayatri Ashokan.

Channel: https://www.youtube.com/musicmumbe

Facebook Page: Music Mumbe - Music First

Song officially released on 10th April, 2019