ഇനിയും ചൊല്ലാത്തൊരു

കവിതയെപ്പോലെയെൻ

ഉള്ളിൽ നീ പെയ്തു നിന്നൂ....

ഇനിയും പറഞ്ഞു തീരാക്കഥ 

കേൾക്കുവാൻ

തോളിൽ തോൾ ചേർന്നിരുന്നൂ... 

ചാരെയെന്നും കാതോർത്തിരുന്നൂ...

          (ഇനിയും....)

കരവിരലോടമെൻ 

കാർമുടിക്കായലിൽ

ദ്രുത ജലക്രീഡയായി...

ഭ്രമര സംഗീതമായെൻ 

ചുണ്ടിലേകിയ 

മധുമണം ലഹരിയായി

എന്നിൽ കുളിർമഴ പ്രണയമായി...

നീയെൻ കരളിന്റെ കാതലായി ....

          (ഇനിയും...)

വഴിമരച്ചില്ലകൾ

മിഴികളിലൊരു മഴ -

ക്കാടിന്നഴകുണർത്തീ...

പുഴ മൊഴി നുകർന്നു

പൊൻകതിർച്ചിരി വിരിഞ്ഞ

നെൽവയലൊരു വസന്തമേകീ... 

വാനം തിരി തെളിഞ്ഞൊരുക്കമായീ...

ഞാൻ നിൻ മുരളിയിൽ മധുരമായി...

          (ഇനിയും.....)



(പി കെ മുരളീകൃഷ്ണൻ)

--------------------------------------------------------------------------------------------------------------

Lyrics: P K Muraleekrishnan Music: Pallippuram Sajith Background Music & Production: Sunilal Cherthala

Singer: Aparna Rajeev ONV Video: Prem Prakash Editing: Deepu Cherthala Key Instrumentation: Prasoon (Saxophone), Flue ( Subhash Cherthala)

Channel: https://www.youtube.com/musicmumbe

Facebook Page: Music Mumbe - Music First

Song officially released on 21st June, 2019